ବିଧବା ବାସନ୍ତୀଙ୍କୁ ଆବାସ ଯୋଜନା ମନା

ଭଦ୍ରକ,(ବସୁନ୍ଧରା) :କେନ୍ଦ୍ର ତଥା ରାଜ୍ୟ ସରକାର ବିଭିନ୍ନ ଯୋଜନା ମାଧ୍ୟମରେ ଗରୀବ ପରିବାରକୁ ଆବାସ ନିର୍ମାଣ ପାଇଁ ଆର୍ଥିକ ସହାୟତା ପ୍ରଦାନ କରୁଛନ୍ତି ମାତ୍ର ଭଦ୍ରକ ଜିଲ୍ଲା ବନ୍ତ ବ୍ଲକ ଚାରିଗାଁ ଗ୍ରାମର ବାସନ୍ତୀ ମିଶ୍ରଙ୍କୁ ଆଜିଯାଏ ଏହି ଯୋଜନାରେ ସାମିଲ କରାଯାଇପାରିନାହିଁ । ସେ ବିଧବା ହେବାର ପ୍ରାୟ ୪୦ବର୍ଷ ପରେ ତାଙ୍କୁ ଭତ୍ତା ମିଳିଥିଲା । ଏହି ୪୦ବର୍ଷ ମଧ୍ୟରେ ବ୍ଲକକୁ ଦୌଡ଼ି ଦୌଡ଼ି ନୟାନ୍ତ ହେବା ପରେ ଏହା ମିଳିଥିଲା । ବାସନ୍ତୀଙ୍କ ଏକ ମାତ୍ର ପୁଅ ଅନ୍ୟ ରାଜ୍ୟରେ ଦାଦନ ଖଟୁଥିବା ବେଳେ ବୋହୂ ଓ ତାଙ୍କର ଦୁଇ ନାତୁଣି ଘରେ ଅଛନ୍ତି । ଏହି ଭତ୍ତା ଟଙ୍କାରେ ବାସନ୍ତୀ ପରିବାର ପ୍ରତିପୋଷଣ କରୁଥିବାରୁ ପ୍ରତିଦିନ ଦୁଇ ଓଳା ଖାଇବା ପାଇଁ ରୋଷେଇ କରିବା ଅସମ୍ଭବ ହୋଇପଡ଼ିଥାଏ । ନୂଆଣିଆ ଚାଳଘରେ ପୁରୁଷ ଲୋକ ବିନା ଏହି ୪ଜଣ ମହିଳା ସବୁବେଳେ ବିପଦ ଆଶଙ୍କାରେ ରହିଥାନ୍ତି । କାରଣ ଏହି ଭଙ୍ଗା ଚାଳଘରକୁ ଯେ କେହି ଅନାୟାସରେ ଯିବା ଆସିବା କରି ପାରିବ । ଥିଲାବାଲା ବାପ ପରେ ପୁଅକୁ ଆବାସ ଯୋଜନାରେ ସାମିଲ କରାଯାଉଥିବା ବେଳେ ବାସନ୍ତୀ ଏଥିରୁ ବାଦ୍ ପଡ଼ିବା ସମସ୍ତଙ୍କୁ ଆଶ୍ଚର୍ଯ୍ୟାନ୍ୱିତ କରିଛି । ଆବାସ ଟିଏ ପାଇବା ପାଇଁ ସେ ବାରମ୍ବାର ଆବେଦନ କରିଥିଲେ ମଧ୍ୟ କିଛି ସୁଫଳ ମିଳିପାରି ନାହିଁ । ଏଥିପ୍ରତି ବିଭାଗୀୟ ଉଚ୍ଚ କର୍ତ୍ତୃପକ୍ଷ ଦୃଷ୍ଟି ଦେବାକୁ ଗ୍ରାମବାସୀମାନେ ଦାବି କରିଛନ୍ତି ।

Leave A Reply

Your email address will not be published.

six + thirteen =